Азаттықта жаңа жоба. Сіздің назарыңызға “Жаншипа” психологиялық подкастын ұсынамыз. Азаттық психологиялық подкасты не үшін бастап отыр? Қазақстан суицид бойынша әлемде ондыққа енетіні, елде ажырасу да көбейіп кеткені жайлы жиі айтылады. Психолог мамандар адамның ішкі жан дүниесін реттейтін, отбасындағы қарым-қатынасты жақсартуға көмектесетін бірден-бір құрал психология дейді. Демек подкастымызда бала тәрбиесі бастап отбасындағы қарым-қатынас, жүрек тыныштығы, жан-дүниедегі гармония, суицидті алдын алу, депрессия, стресс, уайым сияқты тақырыптардың бәрін қозғаймыз. Подкаст авторы – Азаттық тілшісі әрі психологияны екінші мамандығы ретінде оқып жүрген Руслан Меделбек.
“Жаншипа” подкастының алғашқы эпизодында жалпы психология тақырыбы қозғадық. Психологқа бару ұят па? Психологқа қай кезде бару керек? Психология адамға қалай көмектеседі? Осы сауалдарға психоаналитик, психоаналитик, Халықаралық психоанализ қауымдастығының мүшесі Жұлдыз Төлеу жауап берді.
Басқа эпизодтар:
“Балаларымды көп ұрамын”. “Ата-анам арақты көп ішеді, бастаған ісім өнбейді”. Тыңдарман сауалдарына жауап – наурыз 11, 2023
“Жылау, жоқтау қайғыны жеңуге көп көмектеседі”. Ауыр қазаны қалай еңсереміз? – ақпан 16, 2023
Өлім мен жалғыздықтан неге қорқамыз? Қатты үрей мен қорқынышты қалай жеңеміз? – ақпан 02, 2023
Бала кезде алған жан жарасы деген не? Ол ересек өмірге қалай әсер етеді? – қазан 20, 2022